Transcription
1
Monseigneur, le quatriesme de ce moys, je receux
2
les lettres royaulx et commission votre contenant les moyens
3
et forme de proceder contre les absentz de la nouvelle
4
opinion, lesquelles lettres du lendemain je fis publier
5
en ceste ville et après avoyr informé du nom et
6
qualité desdits absentz de ladite ville, jay procedé
7
suyvant votredite commission à la reduction et saisie
8
de leurs biens meubles et immeubles soubz la main
9
du roy. Ce faict, jay arrenté pour ung an au plus
10
offrant et dernier encherisseur au proffit de sa
11
maiesté lesdits immeubles ; dequoy toutesfoys je
12
vous puis asseurer que sadite maiesté nen pourra
13
guières prevaloyr car, oultre le nombre desdits absentz
14
qui nest que de sept à huict, la pluspart sont gentz
15
qui nont rien ou bien peu, les aultres ont leurs
16
femmes et plusieurs creanciers qui ont formé opposition
17
sur lesdits arrentementz, non obstant lesquelles je
18nay [barré : pas ] laissé de passer oultre, ayant toutesfoys
19
renvoyé tous les opposantz par devant la cour au
20
premier jour juridic après les Cendres, auquel temps
21
je ne feray faulte de vous envoyer, ou à ladite court,
22
[90 v°] ainsi quil vous plaira lordonner, lextraict de
23
toutes mes procedures ; et en cella et toute autre
24
chose concernant le servise du roy et vostre, je
25
memploieray de tout mon pouvoyr de telle volonté
26
que je prie le Createur,
27
monseigneur, vous conserver en très heureuse santé,
28
prosperité et longue vye. De Romans, ce XVIIIe
29
janvier 1573.
30
Monseigneur, je vous envoye ung
31
pacquet que monsieur de Montoyson
32
ma adressé pour vous faire tenir.
33
Votre très humble et hobeissant
34
serviteur
35
A Guerin